بحث هذه المدونة الإلكترونية

مرات مشاهدة الصفحة في الشهر الماضي

الثلاثاء، 22 يوليو 2014

عريان السيد خلف / مات جيفاره-




عريان السيد خلف / مات جيفاره
لاكلشي الجليته..ايطيح زنجاره
ولاكلمن يموت... يضيع تذكاره..هلبت....
مات جيفارة ...؟
اوهلبت...
((هوشي منه))..
انكطعت اخباره..؟
عمت عين الوجاغ الماتشب ناره
ولو دنياك غداره
ولو...جرحك
تغفه الاخ باكتاره
لجن..
جرف تعبان...بيه العتب شاره
امن اشوفن...دانك السفان...
صار الروج ...
حداره
يالمبشر.. خيال الليل..
وترد..
كاصره اشباره
اعله هونك...
بيه الك حسبات....
كلها غيوم مطاره
ابدمع ..يا دمعة المهظوم...
ما تعتاز ....تسياره
يناري..
الماجوت ناره..
يعاري...
المالجم عاره
اعله هونك...
من يهاب السيل..
لو ينخاض تياره
اعله هونك...
من تربه هلال..
غطت غيمته انواره
دذر..جرح الصبر..
بارود...
خل يتباهن اكتاره
بيارغ...من تضيف الموت..
خطاره.. يخشى الموت
انه لجرحك..
عشت مجروح....
وانته...
ابعشر معشاره

ليست هناك تعليقات: